التصنيف: متفرقات

نُشر في

انقطاع الكهرباء .. :(

درجات الحرارة والتي تجاوزت الخمسين في الرياض اليوم
وفصول انقطاع الكهرباء لا تزالُ تُصبحنا وتُمسينا
يوم أمس انقطع التيار عنا لساعة واحدة واليوم كذلك ثم رجع من جديد
وكانت المفاجأة أن المكيفات لا تعمل !!
اتصلنا بطوارئ الكهرباء قال : سيرفع طلبكم وأخبر أننا لسنا وحدنا
بل قال : أن نصف سكان الرياض يشكون هذه الأيام !!
يارب رحمتك .. !
كنتُ قرأت عن أحياء قُطعت عنهم الكهرباء لشهر وشهرين في حي النظيم وغيرها .. كان الله في عونهم
وقبل ساعتين أقرأ خبر انقطاع الكهرباء عن مستشفى المركز التخصصي بالرياض ..
وتتوالى الانقطاعات .. ونتمنى من شركة الكهرباء الموقرة إيجاد حل في هذا الجو الذي لا يمكن تحمله .. في كبرى عواصم المملكة

الأربعاء 2 شعبان 1431ه

نُشر في

مرثيَة ..!!

حين يكون الفقد أكبر من دائرة الحزن
ومع قصائد الرثاء تلتهب المشاعروتتأجج الذكريات
لاسيما إن كان الفقيد عزيزاً على قلب مُحبيه
الشاعر ناصر القزلان يكتُبُ قصيدةً سُلسِلت بآهات ٍ موجعة
مُشبعة بالألم :


والله فقدتك يايبه وين ألاقيك … جيتك على نفس الوعد ما لقيتك
كل المشاعر ياغناتي تناديك … يسوقني شوقي على باب بيتك
مافيه غير الشرشف اللي يغطيك … ومخدتك والمشلح اللي هديتك
هذا الفراش وذي بقايا المساويك … ذي ساعتك هذا الدواء اللي عطيتك
ماعاد للمسجد تبيني أوديك … الظاهر اني تهت يوم احتريتك
قفلت بابك يايبه والشبابيك … فجر الاحد ناديت روحي وجيتك
ارسم ملامح في عيوني تراعيك … ينساني الله كان غبت ونسيتك
تغيب صوره مير تبقى معانيك … مهما كتبت أوصافها ماوفيتك
لو شفت وش كثر المصلين يكفيك … مالمتني يابوي لو مابكيتك
أي والله افرح يايبه وافتخر فيك … بين العرب يابوي مرفوع صيتك
ارثيك لاوالله خطا مني ارثيك … المعذره يابوي لو مارثيتك
فرقاك ماهانت على قلب مغليك … لو الفدا ينفع بروحي فديتك
الله على طيب الفعايل يجازيك … الشكر لله ماذكر اني عصيتك
ترحل ويبقى حي ذكرك وطاريك … لكن على نفس الوعد ما لقيتك


الثلاثاء 1 شعبان 1431ه

🙁